Καὶ τῇ ἡμέρᾳ τῇ τρίτῃ γάμος ἐγένετο ἐν Κανὰ τῆς Γαλιλαίας, καὶ ἦν ἡ μήτηρ τοῦ Ἰησοῦ ἐκεῖ· ἐκλήθη δὲ καὶ ὁ Ἰησοῦς καὶ οἱ μαθηταὶ αὐτοῦ εἰς τὸν γάμον. καὶ ὑστερήσαντος οἴνου λέγει ἡ μήτηρ τοῦ Ἰησοῦ πρὸς αὐτόν· οἶνον οὐκ ἔχουσιν. [καὶ] λέγει αὐτῇ ὁ Ἰησοῦς· τί ἐμοὶ καὶ σοί, γύναι; οὔπω ἥκει ἡ ὥρα μου. λέγει ἡ μήτηρ αὐτοῦ τοῖς διακόνοις· ὅ τι ἂν λέγῃ ὑμῖν ποιήσατε. ἦσαν δὲ ἐκεῖ λίθιναι ὑδρίαι ἓξ κατὰ τὸν καθαρισμὸν τῶν Ἰουδαίων κείμεναι, χωροῦσαι ἀνὰ μετρητὰς δύο ἢ τρεῖς. λέγει αὐτοῖς ὁ Ἰησοῦς· γεμίσατε τὰς ὑδρίας ὕδατος. καὶ ἐγέμισαν αὐτὰς ἕως ἄνω. καὶ λέγει αὐτοῖς· ἀντλήσατε νῦν καὶ φέρετε τῷ ἀρχιτρικλίνῳ· οἱ δὲ ἤνεγκαν. ὡς δὲ ἐγεύσατο ὁ ἀρχιτρίκλινος τὸ ὕδωρ οἶνον γεγενημένον καὶ οὐκ ᾔδει πόθεν ἐστίν, οἱ δὲ διάκονοι ᾔδεισαν οἱ ἠντληκότες τὸ ὕδωρ, φωνεῖ τὸν νυμφίον ὁ ἀρχιτρίκλινος καὶ λέγει αὐτῷ· πᾶς ἄνθρωπος πρῶτον τὸν καλὸν οἶνον τίθησιν καὶ ὅταν μεθυσθῶσιν τὸν ἐλάσσω· σὺ τετήρηκας τὸν καλὸν οἶνον ἕως ἄρτι. Ταύτην ἐποίησεν ἀρχὴν τῶν σημείων ὁ Ἰησοῦς ἐν Κανὰ τῆς Γαλιλαίας καὶ ἐφανέρωσεν τὴν δόξαν αὐτοῦ, καὶ ἐπίστευσαν εἰς αὐτὸν οἱ μαθηταὶ αὐτοῦ. Μετὰ τοῦτο κατέβη εἰς Καφαρναοὺμ αὐτὸς καὶ ἡ μήτηρ αὐτοῦ καὶ οἱ ἀδελφοὶ [αὐτοῦ] καὶ οἱ μαθηταὶ αὐτοῦ καὶ ἐκεῖ ἔμειναν οὐ πολλὰς ἡμέρας.
And on the third day there was a wedding in Cana of Galilee, and the mother of Jesus was there. And both Jesus and his disciples were invited to the wedding. And since there was need of wine, the mother of Jesus says to him, “they do not have wine.” And Jesus says to her, “Woman, what is that to me and you? My hour has not yet come.” His mother says to the servants, “Do what he tells you.” And lying there were water pots made of stone, according to the manner of purifying of the Jews, containing two or three measures apiece. Jesus says to them, “Fill the water pots with water”. And they filled them up to the brim. And he says to them, “Now draw them out and carry them to the master of the feast.” And they carried them. And as the master of the feast tasted the water, it became wine, and he did not know from where it was, although the waiters who had drawn the water knew; the master of the feast summoned the bridegroom. And he says to him, “Every man at first sets forth good wine, and when men are drunk, then that which is worse. You have kept the good wine until just now.” Jesus did this first of signs in Cana of Galilee, and made clear his glory, and his disciples believed in him. After this he went down to Capernaum, he and his mother and brothers and disciples, and remained there not many days.
- ὑστερέω: I lack, fall short, suffer need
- οἶνος, -ου, ὁ: wine
- οὔπω (adv) not yet
- ἥκω: I have come, am present
- διάκονος, ου, ὁ, ἡ: waiter, servant
- γεμίζω: I fill, load
- μεθύσκω: I make drunk
- ἐλάσσων, ον: less, smaller, inferior